06, ივნისი 2018 14:12:00
საკუთარი სატვირთო ავტომანქანების დაბრუნება მოითხოვებს მძღოლებმა აჭარის მთავრობის სახლთან გამართულ აქციაზე. პროტესტი ძირითადად მთიანი აჭარიდან ჩამოსულმა მძღოლებმა გამოთქვეს. ისინი ამბობენ, რომ სხვადასხვა დროს ხე-ტყის გადატანის გამო დააჯარიმეს, ავტომანქანები კი ჩამოართვეს და 9 თვეა მათ დაბრუნებას ვერ ახერხებენ. აქცია თავდაპირველად აჭარის პროკურატურასთან გაიმართა. ადგილობრივთა თქმით, იქ პასუხი არ გასცეს, რის შემდეგაც მთავრობის შენობასთან გადასვლის გადაწყვეტილება მიიღეს. აქციის რამდენიმე მონაწილეს აჭარის მთავრობაში შეხვდნენ.