06, ივნისი 2018 14:03:00
ქობულეთში, კარიერის დასახლებაში, ფიროსმანის და ლეონიძის ქუჩებზე სარეაბილიტაციო სამუშაოები მიმდინარეობს. ინფრასტრუქტურული პროექტის ფარგლებში მოეწყო სანიაღვრე არხები, ბორდიურები, ტროტუარებსა და გზის სავალ ნაწილზე დეკორატიული ფილები დაიგო. აჭარის მთავრობის პრესცენტრის ცნობით, გასულ წელს დასახლებაში მოეწყო მიწისქვეშა კომუნიკაციები. ქუჩების კეთილმოწყობა გრძელდება ასევე გელაურის დასახლებაში. სამუშაოებისთვის ბიუჯეტიდან 3 600 000-მდე ლარი დაიხარჯება.