14, ივნისი 2018 14:09:00
აჭარის მთავრობის თავმჯდომარემ საქართველოში გაერო-ს განვითარების პროგრამის მუდმივი წარმომადგენლის ახალ მოადგილესთან გაცნობითი ხასიათის შეხვედრა გამართა. ზურაბ პატარაძემ ტუია ალტანგერელს ახალ პოზიციაზე დანიშვნა მიულოცა და სამომავლო საქმიანობაში წარმატებები უსურვა. შეხვედრაზე მთავრობის თავმჯდომარემ სტუმარს რეგიონის საინვესტიციო და ტურისტული პოტენციალი გააცნო და გაერო-ს განვითარების პროგრამის დადებით შედეგებზე გაამახვილა ყურადღება. ზურაბ პატარაძის თქმით, გაერო-ს განვითარების პროგრამასა და რეგიონს შორის მჭიდრო თანამშრომლობის შედეგად, კეთილდღეობისთვის არაერთი პროექტი განხორციელდა. შესაბამისი ინფორმაცია აჭარის მთავრობის პრესცენტრმა მოგვაწოდა.
11
s
s
s