18, ივნისი 2018 17:11:00
მთავრობის შემადგენლობა პარლამენტს ოფიციალურად წარედგინა. პირველ ეტაპზე მინისტრთა კაბინეტი, საკანონმდებლო ორგანოს ძველი შემადგენლობით წარედგინა, გარდა, საგარეო საქმეთა, ეკონომიკისა და ფინანსთა მინისტრებისა, რომლებიც მინისტრთა კაბინეტში ფორმალურად, მოადგილეების სახით არიან წარმოდგენილნი. რაც შეეხება მთავრობის ახალ სტრუქტურას, პრემიერ-მინისტრობის კანდიდატი მამუკა ბახტაძე პარლამენტისთვის მის წარდგენას 2-3 კვირაში გეგმავს. მამუკა ბახტაძის განცხადებით, სამინისტროების რაოდენობა შესაძლოა11-მდე შემცირდეს. საქართველოს პრემიერმინისტრობის კანდიდატი რამდენიმე უწყების გაერთიანებას გეგმავს. მთავრობისთვის ნდობის გამოცხადება 20 ივნისის პლენარულ სხდომაზე მოხდება.