18, ივნისი 2018 14:10:00
მკვდარი თევზები, საყოფაცხოვრებო ნარჩენები და უსიამოვნო სუნი - ასეთი სურათია ბათუმში, არდაგანის ტბაზე. თვითმხილველების თქმით, ფაქტები ბოლო რამდენიმე დღეა, რაც ფიქსირდება. წყლის ზედაპირზე მოტივტივე თევზებს ბულვარის ადმინისტრაციის თანამშრომლები აგროვებენ და ურნაში ყრიან. წყლის ბინადრების დახოცვის გამომწვევი მიზეზი უცნობია. სავარაუდოდ, თევზების დაღუპვა ტბაში ჩამდინარე წყლები იწვევს. თევზების დაღუპვის ფაქტები გასულ კვირას დაფიქსირდა ნურის ტბაშიც. ტერიტორიაზე წყლის ხარისხის სინჯები აღებულია და პასუხები დღის ბოლომდე უნდა გახდეს ცნობილი. თემის დეტალები "მაცნეს" მთავარ გამოშვებაში.