22, ივნისი 2018 14:10:00
ცივასულა-აგარა-ქვედა აგარის მიმართულებით გზის 3,2 კმ ორფენიანი ასფალტო-ბეტონის საფარის მოწყობის სამუშაოები დასრულდა. პროექტის ფარგლებში რკინა-ბეტონის კიუვეტი ცხაურებით, ბეტონის საყრდენი კედელი, გაბიონი და პარაპეტები დამონტაჟდა. აღნიშნულ მონაკვეთზე ასევე, ახალი ხიდის მშენებლობაც დასრულდა. პროექტზე 880 000 ლარი დაიხარჯა. აჭარის მთავრობის პრესცენტრის ცნობით, ქედის მუნიციპალიტეტში 2018 წელს საგზაო ინფრასტრუქტურურული პროექტებისათვის სულ 10 217 599 ლარია გამოყოფილი.