20, თებერვალი 2017 20:21:00
ბათუმი „გლობალ ფონდის“ გაფართოებულ შეხვედრას მასპინძლობს. შეხვედრაზე ფონდის მიერ დაფინანსებული ორი პროგრამის: „ზიანის შემცირება მუშაობს - დააფინანსეთ“ და „პარტნიორობა თანასწორი ხელმისაწვდომობისათვის აივ-ის სფეროში აღმოსავლეთ ევროპასა და ცენტრალურ აზიაში“ ირგვლივ მსჯელობენ. საუბრის მთვარი თემა საქართველოს მთავრობის წინაშე არსებული გამოწვევებია. როგორც შეხვედრაზე აღინიშნა, ფონდი ეტაპობრივად ამცირებს აივ ინფექციისა და ტუბერკულოზის პრევენციის და მკურნალობის პროგრამებს და ბენეფიციარების დახმარების პასუხისმგებლობა სახელმწიფოზე გადადის. ასევე, განიხილავენ მიდგომებს, რა ნაბიჯები უნდა გადაიდგას, რომ აივ ინფექციის მიმართ მოწყვლად ჯგუფებში, ნარკოტიკის მომხმარებლებსა და კომერციიულ სექს მუშაკებში სახელმწიფო დაფინანსებით გაგრძელდეს პრევენციული მომსახურებები. „გლობალური ფონდი“ ყოველწლიურად საქართველოში დაფინანსებულ პროგრამებზე თითქმის 8 მილიონ დოლარს ხარჯავდა. განხილვები 22 თებერვალს დასრულდება. ღონისძიება „ევრაზიის ზიანის შემცირების ქსელის“ ორგანიზებით იმართება.