10, ივლისი 2018 14:08:00
ქობულეთში საპროტესტო აქცია გაიმართა. ადგილობრივები ინვესტორისგან ზღვაზე გადასასვლელი ტერიტორიის გახსნას ითხოვენ. მათი თქმით, შემოღობილია ადგილი, სადაც სამშენებლო სამუშაოები ჯერ არ დაწყებულა. ამბობენ, რომ მათი მოთხოვნების არ გათვალისწინების შემთხვევაში ღობეს თვითნებურად მოშლიან. აქციის მონაწილეებთან ქალაქის მერი მივიდა. მირიან ქათამაძემ მათი მხრიდან კერძო ტერიტორიის დატოვება მოითხოვა. მუნიციპალიტეტის პირველი პირის განმარტებით, ტერიტორია აჭარის ფინანსთა და ეკონომიკის სამინისტრომ პირობიანი აუქციონის წესით გაასხვისა. "კრისტალ ბილდინგი" აქ სასტუმრო კომპლექსის აშენებას აპირებს. ქათამაძის თქმით, კომპანიამ უნდა გადაწყვიტოს, გახსნის თუ არა ზღვაზე გადასასვლელს.
5
s
s
s