ახალი მინისტრთა კაბინეტი უკვე ცნობილია. პრემიერის გადაწყვეტილებით, ცვლილება სამ სამინისტროს შეეხება. განახლებული სამთავრობო გუნდის დამტკიცების შემთხვევაში, განათლების და მეცნიერების მინისტრ მიხეილ ჩხენკელს მიხეილ ბატიაშვილი ჩაანაცვლებს, ფინანსთა მინისტრის პოსტზე - ივანე მაჭავარიანის კანდიდატურაა წარდგენილი, ეკონომიკის სამინისტროს კი - გიორგი ქობულია უხელმძღვანელებს. როგორც მოსალოდნელი იყო, ცვლილება არ შეხებია იუსტიციის სამინისტროს და ამ პოსტზე კვლავ თეა წულიკიანი რჩება. პოსტს ინარჩუნებს საგარეო საქმეთა მინისტრი დავით ზალკალიანი, გარემოსა დაცვისა და სოფლის მეურნეობის მინისტრი ლევან დავითაშვილი, ჯანდაცვის მინისტრი დავით სერგეენკო, რეგიონული განვითარებისა და ინფრასტრუქტურის მინისტრი - მაია ცქიტიშვილი, შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი. პოსტზე რჩებიან ასევე შინაგან საქმეთა მინისტრი გიორგი გახარია და თავდაცვის მინისტრი ლევან იზორია.
2
s
s
s