განმწესრიგებელი სხდომა საკონსტიტუციო სასამართლოში. მეორე კოლეგია „აუდიტორია 115“-ის და „ახალაზრდა იურისტთა ასოციაციის“ ერთობლივი სარჩელის წარმოებაში მიღების საკითხზე მსჯელობს. გასაჩივრებულია „ უმაღლესი განათლების შესახებ კანონის“ ის მუხლები, რომელთა მიხედვითაც, სტუდენტური თვითმმართველობის წარმომადგენლები არიან ფაკულტეტების საბჭოების წევრები და რომელთა მიხედვითაც, მხოლოდ თვითმმართველობის წევრებს აქვთ აკადემიური საბჭოს წევრების არჩევის უფლება. მოსარჩელეები მიიჩნევენ, რომ ეს ნორმა დისკრიმინაციულია და სტუდენტებს არათანაბარ მდგომარეობაში აყენებს. მოპასუხე საქართველოს პარლამენტია. აღნიშნული სხდომა პირველია, რომელიც საქართველოს პარლამენტის ყოფილი წევრის - ახლა უკვე საკონსტიტუციო სასამართლოს მოსამართლის - მანანა კობახიძის მონაწილეობით მიმდინარეობს.
1
s
s
s