უბედური შემთხვევა ჩაქვი-ქობულეთის დამაკავშირებელ ახალ მაგისტრალზე. ერთმანეთს მსუბუქი ავტომობილი და ტრაილერი შეეჯახა. დაიღუპა სამი ადამიანი, მათ შორის ორი მცირეწლოვანი ტყუპია. გარდაცვლილი ტყუპების დედა ბათუმის რეფერალურ საავადმყოფოშია გადაყვანილი. ექიმების თქმით, ქალის სიცოცხლეს საფრთხე არ ემუქრება. საგზაო შემთხვევის შედეგად გარდაიცვალა 24 წლის მამაკაცი. შემთხვევის შედეგად დაშავდა კიდევ ერთი მოქალაქე. სასწრაფო დახმარების ბრიგადამ ის ქობულეთის რეფერალურ საავადმყოფოში გადაიყვანა. ექიმების ინფორმაციით, ახალგაზრდა კაცის მდგომარეობა სტაბილურია. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
10
s
s
s