17, ივლისი 2018 20:11:00
საკონსტიტუციო სასამართლოში სერგო ტაბატაძე საქართველოს პარლამენტის წინააღმდეგ, განმწესრიგებელი სხდომა გაიმართა. მოსარჩელე სადაოდ ხდის ნორმას, რომლის თანახმადაც საზოგადოებრივი თავშეყრის ადგილებში ცივი იარაღის ტარება ადმინისტრაციულ პასუხისმგებლობას ითვალისწინებს. მოსარჩელე დასაქმებულია გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტში და მისი საქმიანობიდან გამომდინარე, უწევს საველე პირობებში მუშაობა, რის გამოც სამსახურებრივი მიზნებისათვის ატარებს დანას. აღნიშნულის მიუხედავად, მას დაეკისრა პასუხისმგებლობა ცივი იარაღის ტარებისათვის. საქმეს საკონსტიტუციო სასამართლოს პირველი კოლეგია განხილავს.