19, ივლისი 2018 20:04:00
ბათუმში 21 – 22 ივლისს აგრარული პროდუქციის გამოფენა-გაყიდვა გაიმართება. ევროპის მოედანზე აჭარის მაღალმთიანი სოფლებიდან ფერმერებს წარმოდგენილი ექნებათ ნატურალური, ოჯახურ პირობებში დამზადებული პროდუქცია. გამოფენის მიზანია რეგიონის კულტურისთვის დამახასიათებელი კერძების პოპულარიზაცია, წარმოჩენა და რეალიზაცია. ასევე, ევროპის მოედანზე მოსულ სტუმრებს შესაძლებლობა ექნებათ დააგემოვნონ და შეიძინონ ევროკავშირის სხვადასხვა პროგრამის და პროექტის ფარგლებში წარმოებული ნაწარმიც.