21, ივლისი 2018 20:39:00
ბათუმის მერია მოსახლეობასა და ტურისტებს მოუწოდებს არ დაანაგვიანონ ქალაქში არსებული შადრევნები. კეთილმოწყობის სამსახურის ინფორმაციით, რუსთაველისა და გორგილაძის ქუჩებზე, მუზეუმის მიმდებარე ტერიტორიაზე არსებულ შადრევნებზე დამონტაჟდა სპეციალური ტუმბოები, ასევე მოხდა მათი გაწმენდა. ბათუმის მერიის საქალაქო ინფრასტრუქტურისა და კეთილმოწყობის სამმართველოს ხელმძღვანელის, სულხან ევგენიძის თქმით, იგეგმება თამარის დასახლებაში, ეკონომიკის სამინისტროს ბალანსზე მყოფი კიდევ ერთი შადრევნის ბათუმის მუნიციპალიტეტზე გადაცემა, რომლის შემდეგაც მას სარეაბილიტაციო სამუშაოები ჩაუტარდება. მერია ქალაქის ტერიტორიაზე სულ 8 შადრევნის კეთილმოწყობას გეგმავს.
4
s
s
s