01, აგვისტო 2018 20:11:00
პირველადი ჯანდაცვის ექიმებისთვის საინფორმაციო შეხვედრა გაიმართა, სადაც ისაუბრეს ექიმის დანიშნულების ახალ პრინციპზე, რომელიც საქართველოს ჯანდაცვის სამინისტროს გადაწყვეტილებით პოლიფარმაციის მართვის მიზნით 16 ივლისიდან მოქმედებს. თუ პაციენტს სურვილი აქვს ექიმის დანიშნულება გადაამოწმოს, ელექტრონული რეცეპტი უნდა გადააგზავნოს eprescription.moh.gov.ge-ზე. იმ შემთხვევაში თუ რეცეპტი არ არის ელექტრონული, მაშინ პაციენტმა დანიშნულების ფურცელი ნებისმიერ სოციალური მომსახურების სააგენტოს ნებისმიერ ფილიალში უნდა წარადგინოს. სპეციალური ჯგუფის მიერ მოხდება დანიშნულების გადამოწმება, რომელიც მოიცავს 5 ან მეტ მედიკამენტს.