07, აგვისტო 2018 20:10:00
მთავრობის სხდომების დახურვა ზღუდავს ჟურნალისტების საქმიანობას - შეფასება "საერთაშორისო გამჭვირვალობა საქართველოს" ეკუთვნის. არასამთავრობო ორგანიზაციამ ოფიციალურ ვებ-გვერდზე განცხადება გამოაქვეყნა, სადაც ხაზგასმულია, რომ მანკიერი პრაქტიკა აჭარის მთავრობის მიერ შეიქმნა. აღნიშნული კი ზღუდავს ჟურნალისტის საქმიანობას ინფორმაციის მოპოვებისა და ხელისუფლების კონტროლის მიზნით ასევე, წარმოადგენს უკან გადადგმულ ნაბიჯს ხელისუფლების საჯაროობისა და ანგარიშვალდებულების თვალსაზრისით. ცნობისთვის გეტყვით, რომ მიმდინარე წლის 31 ივლისს მთავრობის ახალმა ხელმძღვანელმა თორნიკე რიჟვაძემ პირველივე სხდომა ჟურნალისტებისთვის დახურა.