23, თებერვალი 2017 20:43:00
თამბაქოს ნაწარმის კონტრაბანდის წინააღმდეგ საზღვრებზე კონტროლის მექანიზმები გამკაცრდა. შემოსავლების სამსახურის ინფორმაციით, იდენტიფიცირებულია ყველა საბაჟო პუნქტი, საიდანაც შეიძლება კონტრაბანდული თამბაქოს ნაწარმის შემოტანის რისკი არსებობდეს. უწყებაში ამბობენ, რომ ყველა გამშვები პუნქტი აღჭურვილია შესაბამისი ტექნოლოგიებით, რომელიც კონტრაბანდული თამბაქოს აღმოჩენისთვისაა აუცილებელი. კონტროლის გამკაცრებული ღონისძიებები, თამბაქოს ნაწარმზე აქციზის გადასახადის ცვლილების პარალელურად ამოქმედდა. 2017 წლის პირველი იანვრიდან 20 თებერვლის ჩათვლით, სამსახურის მიერ გამოვლენილია არადეკლარირებული თამბაქოს ნაწარმის შემოტანის 33 შემთხვევა.