23, თებერვალი 2017 20:46:00
ხმაურის ფონზე დაიწყო მორიგი საკრებულოს სხდომა ხულოში. უმცირესობის წევრებმა 2017 წლის ბიუჯეტში შესატან ცვლილებებს მხარი არ დაუჭირეს. „ნინო ბურჯანაძე - დემოკრატების“ წევრებმა მინდია რიჟვაძემ და ზურაბ ტუნაძემ კი სხდომათა დარბაზი პროტესტის ნიშნად დატოვეს. ცვლილებასთან დაკავშირებით პრეტენზიები ჰქონდა ფრაქცია ,,ევროპული საქართველოს“ თავმჯდომარესაც. კახა დეკანაძემ მმართველ გუნდს 2016წელს გასასტუმრებელი ვალები შეახსენა. ოპოზიციის წინააღმდეგობის მიუხედავად, უმრავლესობამ ფინანსურ დოკუმენტში ცვლილება მაინც შეიტანა და ჯამში ხულოს მუნიციპალიტეტის ბიუჯეტი 10 მილიონ 895 ათასი ლარი შეადგინა. ტენდერებიდან გამოთავისუფლებული 660 ათას 600 ლარი ინფრასტრუქტურულ და სოციალურ დაცვის პროგრამებს მოხმარდება.