10, აგვისტო 2018 20:12:00
უამინდობა იყო ქობულეთშიც, სადაც უხვი ნალექის შედეგად საცხოვრებელი სახლების პირველი სართულები დაიტბორა. ადგილობრივებს საყოფაცხოვრებო ნივთები გაუფუჭდათ. ამბობენ, რომ მოუწესრიგებელი სანიაღვრე სისტემაში წყლის დიდი რაოდენობით გატარება ვერ მოხერხდა, რაც პრობლემის გამომწვევი მიზეზი გახდა. დილიდან 112-ის მეხანძრე-მაშველები რამდენიმე ქუჩაზე სახლებიდან წყლის ამოტუმბვას ინტენსიურად ახდენდნენ. მუნიციპალიტეტში დაიტბორა რკინიგზის მიმდებარე ტერიტორიაც, რის შედეგადაც ავტომობილებს რამდენიმე საათის განმავლობაში გადაადგილება უჭირდათ. უხვი ნალექის გამო ასევე, ქობულეთის რამდენიმე სოფელში მეწყერიც განვითარდა. ზარალის აღრიცხვა მერიამ უკვე დაიწყო. ჯერჯერობით უცნობია რა სახის დახმარება გაეწევა დაზარალებულებს.