კომპანია „ბათუმის წყალს“ მარინე გვიანიძე უხელმძღვანელებს. იგი თანამშრომლებს დღეს ქალაქის მერმა ოფიციალურად წარუდგინა. ლაშა კომახიძის თქმით, გვიანიძეს ამ სფეროში დიდი გამოცდილება აქვს და მენეჯერული თვისებებით გამოირჩევა. მარინე გვიანიძე მანამდე ბათუმის წყალარინების გამწმენდი ნაგებობის და სატუმბი სადგურების სამსახურის უფროსი იყო. პარალელურად ბათუმის შოთა რუსთაველის სახელობის უნივერსიტეტში მიწვეულ მასწავლებლად მუშაობს. იყო ბოტანიკური ბაღის მეცნიერ-თანამშრომელი. ხოლო ბათუმის საზღვაო აკადემიაში ეკოლოგიის უფროსი მასწავლებელი. გვიანიძეს განათლება როგორც ქვეყნის შიგნით ასევე, მის ფარგლებს გარეთაც აქვს მიღებული. ახალი ხელმძღვანელი ირწმუნება, რომ ორგანიზაცია ნებისმიერი დაინტერესებული პირისთვის ღია და გამჭვირვალე იქნება, მათ შორის იგი მზადაა ოპოზიციას საჯარო ინფორმაცია ნებისმიერ საკითხზე მიაწოდოს. შეგახსენებთ, მანამდე ბათუმის წყალს თენგიზ ქოქოლაძე ხელმძღვანელობდა, რომელმაც თანამდებობა საკუთარი განცხადების საფუძველზე დატოვა.
55
s
s
s