11, სექტემბერი 2018 20:17:00
აჭარის ტურიზმისა და კურორტების დეპარტამენტის თავჯდომარეს მესამე მოედგილე ეყოლება. ამ თანამდებობაზე ქრისტინე ძიძიგური დაინიშნა. მისი საქმიანობა საერთაშორისო ტურიზმის სტიმულირებასა და სერვისების განვითარების საკითხებს შეეხება. ძიძიგური პროფესიით სოციოლოგია და აქვს შვიდწლიანი სამუშაო გამოცდილება გაყიდვების მენეჯმენტისა და საერთაშორისო რეკლამის მიმართულებით. ახალი კადრი თანამშრომლებს აჭარის მთავრობის თავჯდომარემ წარუდგინა. შეხვედრაზე ასევე, თორნიკე რიჟვაძე დეპარტამენტის საქმიანობასაც გაეცნო და აღნინიშა, რომ რეგიონში ტურისტების რაოდენობა ყოველწლიურად იზრდება. რიჟვაძემ ისაუბრა პრიორიტეტულ მიმართულებებზეც. ქრისტინე ძიძიგურს შეხვედრის დასრულების შემდეგ მედიასთან კომენტარი არ გაუკეთებია.
აქვე გეტყვით, რომ ქრისტინე ძიძიგური, რომელიც აჭარის ტურიზმის დეპარტამენტის თავჯდომარის მოადგილედ გუშინ დაინიშნა, თორნიკე რიჟვაძის მეგობარია. რეგიონის პირველი პირი ირწმუნება, რომ ძიძიგურის აღნიშნულ თანამდებობაზე დანიშნვა ამ ფაქტორს არ უკავშირდება. თორნიკე რიჟვაძის თქმით, მის მეგობართან კონსულტაციები სულხან ღლონტს ჰქონდა და იგი პროცესში არ იყო ჩართული. რიჟვაძის მტკიცებით, ამ თანამდებობაზე კადრი კომპეტენციის და კეთილსინდისიერების კრიტერიუმის გათვალისწინებით დანიშნეს.
ფოტო: თორნიკე რიჟვაძის ფეისბუქ გვერდიდან. პრესცენტრის ცნობით, მარიამობის სადღესასწაულო წირვას ესპანეთში მცხოვრები ბაგრატიონთა შტოს წარმომადგენელი პრინცი ხუან იოანე ბაგრატიონი და პრინცის მეუღლე ქრისტინე ძიძიგური ესწრებოდნენ, სადაც ეს ფოტო არის გადაღებული.