არის თუ არა ინტერესთა კონფლიქტი აჭარის უმაღლესი საბჭოს დეპუტატის საქმიანობაში? რამდენად მიზანშეწონილია აჭარის უმაღლესი საბჭოს ფრაქცია “ქართული ოცნება-მაჟორიტარების“ თავმჯდომარე ილია ვერძაძე პარალელურად აჭარის პროფკავშირების თავმჯდომარე იყოს? ა/ო „ბათომის“ წევრი ფაქტს ანომალურს უწოდებს. ირმა ზოიძე იმ უხერხულობაზე საუბრობს, რაც ერთდროულად ორ თანამდებობაზე ყოფნას ახლავს და დეპუტატს ერთ-ერთი პოზიციის დათმობისკენ მოუწოდებს.
იმ შემთხვევაში თუ ვერძაძე ორივე თანამდებობიდან ანაზღაურებას იღებს, სახეზეა ინტერესთა კონფლიქტი და კანონდარღვევა ამბობენ „ახალგაზრდა იურისტთა ასოციაციაში“. გიორგი ხიმშიაშვილი აჭარის უმაღლესი საბჭოს საკონსტიტუციო, იურიდიულ და საპროცედურო საკითხთა კომისიას საკითხის შესწავლისკენ მოუწოდებს.
თავად ილია ვერძაძე შექმნილ მდგომარეობაში უხერხულობას და ინტერესთა კონფლიქტს ვერ ხედავს. იგი ადასტურებს, რომ ხელფასს ორივე თანამდებობაზე იღებს. დეპუტატი თვლის, რომ ვალდებულებებს ორივე პოზიციაზე თავს წარმატებით ართმევს.
ილია ვერძაძის ორ თანამდებობაზე მუშაობის შესახებ, აჭარის უმაღლეს საბჭოში შეფასებების გაკეთებას მასთან კონსულტაციებისა და სიტუაციის სამართლებრივად შეფასების შემდეგ გეგმავენ.
ილია ვერძაძე აჭარის პროფკავშირების თავმჯდომარის პოსტს 2012 წლიდან იკავებს, მანამდე ის იმავე ორგანიზაციაში თავმჯდომარის მოადგილე იყო.
3
s
s
s