14, სექტემბერი 2018 20:14:00
,,საქართველო - ჩეხეთის რესპუბლიკა“ - ამ სახელწოდების ბიზნესფორუმი გაიმართა დღეს ბათუმში. ღონისძიების ფარგლებში დელეგაციის წევრებმა ინფორმაცია მიიღეს აჭარის საპრივატიზაციო ობიექტების, ქვეყანაში ბიზნესის დაწყების რეგულაციებსა და რეგიონის ეკონომიკის ძირითად პარამეტრებზე. ბიზნეს ფორუმის მიზანი ქვეყნებს შორის არსებული ეკონომიკური ურთიერთობების გაღრმავება და ახალი კონტაქტების დამყარებაა. ფორუმს აჭარის მთავრობის წევრებთან ერთად, ჩეხეთის რესპუბლიკის მრეწველობისა და ვაჭრობის მინისტრი და სამრეწველო პალატის ვიცე-პრეზიდენტი ესწრებოდა.