14, სექტემბერი 2018 20:13:00
ნულოვანი ტუბერკულოზის პროექტის ფარგლებში მოსახლეობის უფასო გამოკვლევა დაიწყო. წინასწარ შერჩეულ მოწყვლად ჯგუფებთან, მობილურ ამბულატორიებში პაციენტები გასინჯეს. დაავადების გამოვლენის მიზნით, პროგრამას “C” ჰეპატიტის და აივ/შიდსის სკრინინგიც დაემატა. პროგრამის მიზანია შეიქმნას „ელიმინაციის კუნძულები“, რაც საწყის ეტაპზე ხელს შეუწყობს ტუბერკულოზის გავრცელების შემცირებას. აგვისტოს თვის მონაცემებით, ბათუმში, ხელვაჩაურსა და ქობულეთში ჩატარებულია 16 ვიზიტი, კონსულტაცია გაეწია 450-მდე ბენეფიციარს.