17, სექტემბერი 2018 18:17:00
დღეს სასწავლო პროცესი განახლდა სკოლამდელი აღზრდის დაწესებულებებშიც. ამ ეტაპზე ბათუმში 34 საბავშვო ბაღიდან აღსაზრდელებს 27 მოემსახურება. როგორც ბაღების გაერთიანებაში ამბობენ, სარეაბილიტაციო სამუშაოების გამო #3,4, 15, 16 და 31 სკოლამდელი დაწესებულებებში სასწავლო პროცესი 1 ოქტომბერს დაიწყება. პირველ ოქტომბერს გაიხსნება ასევე, თამარის დასახლებაში ახალი 34-ე საბავშვო ბაღი. ქალაქის მასშტაბით ჯამში დაწესებულებებში 7 825 ბავშვია დარეგისტრირებული. რეგისტრაციის გარეშე 800 მდე აღსაზრდელია დარჩენილი.