19, სექტემბერი 2018 20:07:00
საქართველოში მსოფლიოში ერთ-ერთი მრავალინდიკატორული კლასტერული კვლევა იწყება. ქვეყნის მასშტაბით კვლევის შედეგად შეგროვდება მონაცემები ოჯახების, ბავშვებისა და ქალების მდგომარეობის შესახებ. ასევე, შემოწმდება წყლის ხარისხი და ბავშვების სისხლში ტყვიის შემცველობა. მონაცემების შეგროვების საველე სამუშაოები 20 სექტემბერს დაიწყება და სამი თვის განმავლობაში გაგრძელდება. კვლევა 14 000-ზე მეტ შინამეურნეობაში ჩატარდება. შედეგები საზოგადოებისთვის ხელმისაწვდომი 2019 წლის გაზაფხულზე იქნება.