19, სექტემბერი 2018 20:11:00
მიმდინარე წლის 16-17 სექტემბერს, ჩატარებული მასშტაბური საგამოძიებო ღონისძიებების შედეგად, მოსამართლის განჩინების საფუძველზე, ნარკოტიკული საშუალებების უკანონო შეძენა-შენახვისა და გასაღების ბრალდებით 4 პირი დააკავეს. სამართალდამცველებმა, სასამართლო განჩინებების საფუძველზე, რამდენჯერმე განახორციელეს მათგან ნარკოტიკული საშუალების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა. პოლიციამ ოთხივე პირის მიერ უკანონოდ გაყიდული ნარკოტიკული საშუალება ჰეროინი ნივთმტკიცებად ამოიღო. ბოლო ცხრა თვეში, ქვეყნის მასშტაბით 143 ნარკორეალიზატორი დააკავეს.