ადამიანის უფლებათა დაცვის კომისიის ფუნქციონალური დატვირთვა, დეპუტატების მიერ სხდომების არასაპატიო მიზეზებით გაცდენებზე მკაცრი რეაგირება, კანონპროექტების ინიცირების კუთხით მუშაობის გააქტიურება - მესამე სექტორის წარმომადგენლებმა წინა მოწვევის უმაღლესი საბჭოს ხარვეზები ახალ შემადგენლობას შეახსენეს და მათი გათვალისწინება-გამოსწორება მოსთხოვეს.
უმაღლესი საარჩევნო კომისიის დაკომპლექტების, წევრთა შესარჩევ კომისიაში კვოტების გადახედვის და ურბანულ დაგეგმარებაზე რეგულაციების ამოქმედების საკითხი - საჯარო შეხვედრაზე ამ საკითხების გადაჭრაც მოითხოვეს.
აჭარის სამართლებრივი სტატუსის გადახედვა და რეგიონის საკანონმდებლო და აღმასრულებელი ხელისუფლების უფლებამოსილებების გაზრდა - ამ საკითხების მოგვარებას კი საზოგადოების ნაწილი საკონსტიტუციო კომისიის წევრებისგან ელოდება.
აჭარის უმაღლესი საბჭოს თავმჯდომარის განმარტებით, დღეს წამოჭრილი საკითხების ნაწილზე დეპუტატები მესამე სექტორთან ერთად იმუშავებენ. დავით გაბაიძის განმარტებით, საკანონმდებლო ორგანოში საზოგადოებისთვის მნიშვენლოვანი ინიციატივების გასააქტიურებლად სამუშაო ჯგუფი შეიქმნება.
აჭარის უმაღლესი საბჭოს დეპუტატებს, მესამე სექტორისა და მედიის წარმომადგენლებს შორის შეხვედრა „დემოკრატიული ჩართულობის ცენტრის“ ორგანიზებით გაიმართა.
1
s
s
s