28, თებერვალი 2017 20:18:00
„სოციალური მუშაკები სოციალური ცვლილებებისთვის აღმოსავლეთ ევროპის ქვეყნებში“ - ბათუმის სახელმწიფო უნივერსიტეტში საგრანტო კონკურსის პრეზენტაცია გაიმართა. საგრანტო კონკურსის მიზანი ადგილობრივი სამოქალაქო ორგანიზაციების მხარდაჭერაა, რათა მათ შეძლონ, ჩაერთონ სოციალურ რეფორმებში და გააძლიერონ ოჯახების სოციალური დაცვისა და მათი მხარდამჭერი მომსახურებები. ასევე, დაიხვეწოს სოციალური მუშაობის პრაქტიკა. პრეზენტაციას სხვადასხვა არასამთავრობო ორგანიზაციის წარმომადგენლები ესწრებოდნენ. დაინტერესებულმა ორგანიზაციებმა და პირებმა განაცხადების შესატანად და ყველა სხვა დამატებითი ინფორმაციისთვის უნდა ეწვიონ ვებ-გვერდს - gasw.ge.