05, ოქტომბერი 2018 14:02:00
აჭარის ტურიზმის დეპარტამენტმა რეგიონის ტურისტული პოტენციალი პარიზის საერთაშორისო ტურისტულ გამოფენაზე “IFTM Top Resa” წარადგინა. გამოფენის ფარგლებში ტურიზმის დეპარტამენტის თავმჯდომარე სულხან ღლონტი ეროვნული ადმინისტრაციის ხელმძღვანელ გიორგი ჩოგოვაძესთან ერთად ტურისტული და სარეკლამო კომპანიების, მათ შორის მსოფლიოში უმსხვილესი ტურისტული ორგანიზაციის Thomas Cook- ის წარმომადგენლებს შეხვდნენ და სამომავლო თანამშრომლობის საკითხები განიხილეს.
პარიზის ტურისტულ გამოფენას მთელი მსოფლიოდან 32 ათასზე მეტი ტურიზმის ინდუსტრიის პროფესიონალი დაესწრო. გამოფენაზე 1700-ზე მეტი კომპანია იყო წარმოდგენილი. შესაბამისი ინფორმაცია და ვიდეომასალა დეპარტამენტის პრესცენტრმა მოგვაწოდა.