05, ოქტომბერი 2018 14:06:00
ქობულეთში, მასწავლებელთა დღისადმი მიძღვნილი ღონისძიება გაიმართა, რომელსაც აჭარის მთავრობის თავჯდომარე დაესწრო. თორნიკე რიჟვაძემ ქობულეთის კულტურის სახლში შეკრებილ პედაგოგებს პროფესიული დღესასწაული მიულოცა და გაწეული სამსახურისთვის მადლობა გადაუხადა. მისი თქმით, ძალიან დიდია პედაგოგთა როლი ახალი თაობის სწორად აღზრდისა და ხარისხიანი განათლების მიღების საქმეში, რასაც ეფუძნება ჩვენი ქვეყნის მომავალი. შესაბამისი ინფორმაცია და ვიდეომასალა აჭარის მთავრობის პრესცენტრმა მოგვაწოდა.