08, ოქტომბერი 2018 17:04:00
სამართლიანი არჩევნები მეორე შუალედურ ანგარიშს აქვეყნებს, რომლის მიხედვითაც, აჭარაში რიგ ოლქებში დარღვევები დაფიქსირდა. ქობულეთში, 27 სექტემბერს #7, #8, #63 საუბნო საარჩევნო კომისიების დაკომპლექტებისას შეიმჩნეოდა ტენდენცია, რომ კომისიამ წინასწარ იცოდა ვინ უნდა შეერჩიათ თავმჯდომარედ, მოადგილედ და მდივნად. ასევე ქობულეთის მერის მოადგილემ,დავით ვერულიძემ სამუშაო საათებში საკუთარ ფეისბუქ გვერდზე განათავსა პრეზიდენტობის კანდიდატის სალომე ზურაბიშვილის წინასაარჩევნო შეხვედრის ვიდეო მასალა. აგიტაციის წესების დარღვევაში ადანაშაულებენ მერის მოადგილეს ქედაშიც, რომელმაც ორგანიზაციის თქმით, სალომე ზურაბიშვილის საარჩევნო ნომერი გამოაქვეყნა ასევე სამუშაო საათებში. ასევე, გამოიკვეთა წინაასარჩევნო კამპანიაში საჯარო მოხელეების მობილიზების ნიშნები. ერთ-ერთ შეხვედრას როგორც მესამე სექტორის კვლევაშია ნათქვამი ესწრებოდნენ საკრებულოსა და მერიის აპარატების თანამშრომლები, თემებში მერის წარმომადგენლები, პედაგოგები და ბაგა-ბაღების გაერთიანების თანამშრომლები.