10, ოქტომბერი 2018 20:03:00
არჩევნებამდე რამდენიმე დღით ადრე საპრეზიდენტო კანდიდატების გეგმებს გაგაცნმობთ. ვიწყებთ - პარტია თავისუფალი საქართველოს საპრეზიდენტო კანდიდატით. რა გეგმებით და დაპირებებით მოდის კახა კუკავა? რა მიმართულებებზე აკეთებს იგი აქცენტს, რას ხედავს ქვეყანაში პრობლემად და როგორ აპირებს მოგვარებას ?
გაპრეზიდენტების შემთხვევაში მთავარი გეგმა, რაც კახა კუკავას აქვს, ეს ვადამდელი საპარლამენტო არჩევნების დანიშვნაა. მიაჩნია, რომ ორპარტიული პარლამენტი არ უნდა არსებობდეს. როგორც კუკავა ამბობს, წლების განმავლობაში ქართულ საპარლამენტო სივრცეში სახეები არ შეცვლილა, რამაც ქვეყნის განვითარებას ხელი შეუშალა. სამომავლო გეგმები მხოლოდ ამით არ შემოიფარგლება. საპრეზიდენტო კანდიდატს სხვადასხვა პროგრამა აქვს. მათ შორისაა სოციალური, იმიგრაციის, ნარკოტიკების, ეკონომიკის, საბანკო პოლიტიკის გადახედვა და ამ კუთხით რიგი ნაბიჯების გადადგმა.
საპრეზიდენტო კანდიდატს სამოქმედო გეგმაში არც ახალგაზრდები დავიწყებია. აღნიშნავს, რომ ამ მიმართულებით სხვადასხვა პროგრამები აქვს. კუკავას აზრით აუცილებელია მათთვის ისეთი პირობები შეიქმნას, რადგან ქვეყნის ფარგლებს გარეთ არ ეძებონ სამუშაო. გამარჯვების შემთხვევაში ცალკეული რეგიონებში არსებული პრობლემების მოგვარების პირობასაც დებს. აჭარაში ე.წ ოცნების ქალაქთან დაკავშირებული საკითხის შესწავლასაც გეგმავს. კანდიდატის სამოქმედო სიაში მნიშვნელოვანი ადგილი უჭირავს სოფლის მეურნეობის გაძლიერებას.
კახა კუკავა 2018 წლის საპრეზიდენტო არჩევნებში 21 ნომრით იბრძვის. კანდიდატი 2004 საქართველოს პარლამენტის წევრად საარჩევნო ბლოკ "ნაციონალური მოძრაობის" სიით, კონსერვატიული პარტიის ქვოტით. 2010-2014 წლებში თბილისის საკრებულოს წევრი საარჩევნო ბლოკ ეროვნული საბჭოს სიით.