გაყალბებული ხელმოწერა და სამედიცინო შემოწმება - ბათუმელი ფეხბურთელის გარდაცვალების საქმეზე გამოძიება თავიდან დაიწყო. რა ვერსიებს ჰყვება შოთა მამინაშვილის დედა და ვის დასჯას ითხოვს ლოლიტა იაშვილი?
გაყალბებული ხელმოწერა და სამედიცინო შემოწმება - პროკურატურამ ფეხბურთელის გარდაცვალების საქმეზე გამოძიება ხელახლა დაიწყო. ,,ზუგდიდის“ მეკარის, შოთა მამინაშვილის გარდაცვალების ფაქტზე საქართველოს პროკურატურამ ძიება სისხლის სამართლის კოდექსის 326- ე მუხლით დაიწყო. გარდაცვლილის დედა ამტკიცებს, რომ ფეხბურთელს სავალდებულო სამედიცინო შემოწმება არ გაუვლია და შესაბამის საბუთზე შოთას ხელმოწერა გააყალბეს. ლოლიტა იაშვილის თქმით, საფუძვლიანი სამედიცინო კონტროლის გავლის გარეშე გუნდს ფეხბურთელი მოედანზე არ უნდა გაეყვანა.
2017 წლის 1 ოქტომბერს მცხეთის საფეხბურთო მოედანზე „ვიტ-ჯორჯიასა“ და „ზუგდიდის“ შეხვედრამდე მეკარე შოთა მამინაშვილი შეუძლოდ გახდა. მისი გადარჩენა ვერ მოხერხდა. საქმეს ,,თვითგარდაცვალების“ კვალიფიკაცია მიენიჭა და მალევე დაიხურა. თუმცა შოთას დედა ამბობს, რომ შვილის გაკვეთას, მისი ღირსების დაცვის გამო დასთანხმდა. ლოლიტა იაშვილმა ახლობლის რჩევა გაითვალისწინა, ექსპერტიზის შედეგად ფეხბურთელის მხრიდან ალკოჰოლის, წამლის ან სხვა საშუალებების მიღება გამოირიცხა. 31 წლის ფეხბურთელი ინფარქტით გარდაიცვალა.
ბათუმელი ფეხბურთელის დედა ამბობს, რომ პროკურატურის მიერ საქმეზე ხელახლა გამოძიების დაწყება მისი პირველი გამარჯვებაა, მაგრამ ლოლიტა იაშვილისთვის ეს საკმარისი არ არის. ამბობს, რომ საქმეს ბოლომდე მიჰყვება და შოთა მამინაშვილი ბოლო სპორტსმენი იქნება, რომელიც ფეხბურთის საერთაშორისო სტანდარტების დაუცველობის გამო გარდაიცვალა.
შოთას დედა ამტკიცებს, რომ მისმა პრინციპულმა მიდგომამ და საქმის გადაკვალიფიცირებამ ფეხბურთელის მამის ,,ბათუმის დინამოს“ მეკარეების მწვრთნელის სამსახური შეიწირა. იური მამინაშვილი სამსახურიდან რამდენიმე დღის წინ გაათავისუფლეს.
,,მაცნესთან“ სატელეფონო საუბარში ,,ზუგდიდის“ ახლანდელი მფლობელი, ზაზა ჯანაშია, რომელიც მეკარის გარდაცვალების დროს გუნდის მენეჯერი იყო ამბობს, რომ საქმეზე არანაირი პასუხისმგებლობა არა აქვს. ჯანაშიამ სატელეფონო კომენტარზე უარი განაცხადა. საქართველოს ფეხბურთის ფედერაციაში კი ჩვენს სატელეფონო ზარებს არ უპასუხეს. ჩვენს ზარებს არც ბათუმის დინამოში უპასუხეს.
1
s
s
s