ერთიან-ეროვნულ გამოცდებსა და სტუდენტთა საგრანტო კონკურსში მონაწილეებისათვის რეგისტრაცია 23 თებერვლიდან დაიწყო და ამ დროისთვის უკვე 1000-ზე მეტი აპლიკანტი დარეგისტრირდა. მაია მიმინოშვილის განმარტებით, რეგისტრაცია რამდენიმე ეტაპად, ხოლო გამოცდები ნაწილობრივ ელექტრონული ფორმატით ჩატარდება. მიმინოშვილს იმედი აქვს, რომ მომავალი წლიდან აპლიკანტები გამოცდების ნაწილს სრულად ელექტრონულად ჩააბარებენ. მისი განმარტებით, ელექტრონულ ფორმატზე გადასვლა გამოიწვევს აპლიკანტების შედეგების უფრო მალე გამოცხადებას და ასევე საგამოცდო პროცესში არსებულ ბევრ პროცედურას გაამარტივებს. ეროვნულ გამოცდებზე რეგისტრაცია 31 მარტს დასრულდება. ცენტრში ამბობენ, რომ აპლიკანტების აქტიურობა ბოლო დღეებში იზრდება. საგამოცდო ცენტრების მოწყობა, ქვეყნის მასშტაბით, 20 მაისის შემდეგ დაიწყება.
1
s
s
s