ე.წ. ციანიდის საქმეზე დაკავებული დეკანოზის დაკითხვა დღეს არ შედგა. დილით გავრცელდა ინფორმაცია, რომ დეკანოზი გიორგი მამალაძე მისი ოჯახის უსაფრთხოების გარანტიის მიღებამდე გამოძიებასთან თანამშრომლობას წყვეტდა. მატროსოვის ციხიდან გამოსულმა პროკურორმა კი განაცხადა, რომ ისინი მზად იყვნენ ბრალდებულის დაკითხვისთვის, თუმცა დეკანოზმა კითხვებზე პასუხის ნაცვლად, ადვოკატების მეშვეობით მათ „წყევლა შეუთვალა“. მოგვიანებით განცხადება ბრალდებულის ადვოკატმა მიხეილ რამიშვილმა გააკეთა, მან აღნიშნა, რომ სასულიერო პირის დანაბარები პროკურორებს თავად გადასცა. დღესვე დაკავებული დეკანოზი საპატრიარქოს მსჯავრდებულებთან ურთიერთობის დეპარტამენტის თავმჯდომარემ, დეკანოზმა გიორგი თევდორაშვილმა მოინახულა, მან ჟურნალისტებს განუცხადა, რომ გავრცელებული ინფორმაცია, იმის შესახებ რომ სულიერმა ძმებმა დეკანოზი მიატოვეს სიცრუეა.
1
s
s
s