ქობულეთის ერთ -ერთი საჯარო სკოლაში არასრულწოვანთა ქორწინების ორი შემთხვევა დაფიქსირდა.
ერთ -ერთ მათგანს, 15 წლის მოზარდს გუშინ, ქორწილი ჰქონდა, სადაც მოზარდის სკოლის დირექტორიც იმყოფებოდა. კითვაზე, რატომ არ შეატყობინა დირექტორმა დანაშაულის შესახებ შესაბამის უწყებებს? ნინო (სახელი პირობითია) ირწმუნება, რომ გათხოვების პერიოდში, მოსწავლე მის სკოლაში არ ირიცხებოდა და იგი 1 ოქტომბრიდან სასწავლებლად სხვაგან გადავიდა. ჩვენი წყაროს ინფორმაციით, მოზარდი 14 სექტემბერს გათხოვდა.
გოგონას დედა ამავე სკოლაში მუშაობს.
,,გათხოვების პერიოდში, გოგონა ჩვენს სკოლაში არ ირიცხებოდა. ქორწილში კი იმიტომ ვიყავი, რომ ჩემმა თანამშრომელმა დაგვპატიჟა. რაც არ უნდა პროტესტის გრძნობა გამჩენოდა, მე რა უნდა მექნა? ჩემი პოზიციაა, რომ ბავშვმა სკოლა უდნა დამათავროს, განათლება მიიღოს და მერე გათხოვდეს, მაგრამ სამწუხაროდ შვილები ჩვენ არ გვეკითხებიან და გადაწყვეტილების პროცესში თავისუფლები არიან,“ - აცხადებს დირექტორი.
არასრულწლოოვანთა ქორწინება დანაშაულია. მიუხედავად ამისა, დირექტორმა არც რესურსცენტრს და არც შსს- ს ფაქტის შესახებ ინფორმაცია არ მიაწოდა.
„შსს რატომ შევატყობინებდი? ვალდებულება აქვს იმ სკოლას რომელშიც შემთხვევა დაფისირდა. რამდენი რიგირთი მოქალქე მიმართავს ასეთ დროს შსს? ძალიან პროვოკაციულ კითხვას მისვამთ,“ - ამბობს დირექტრორი.
დირექტორისგან განსხვავებით, კლასის დამრიგებელი ამბობს, რომ მოზარდი სკოლის დაწყებამდე გათხოვდა.
,,მგონი სკოლის დაწყების პერიოდში გათხოვდა, ზუსტად ვერ გეტყვით. ბავშვი ამოირცხა ჩვენი სკოლიდან, მგონი სკოლიდან გავიდა. დედამ არ იცოდა ამის შესახებ, ბავშვმა დამოუკიდებლად მიიღო გადაწყვეტილება.“ ლალის (სახელი პირობითია) თქმით, ფაქტის შესახებ დირექტორს შეატყობინა, თუმცა ამ უკანასკნელმა რა რეაგირებ მოახდინა, დამრიგებელს არ უკითხვას. მიზეზად კი მისი ჯანმრთელობის მდგომარეობას ასახელებს.
აღნიშნული სკოლის ამავე კლასიდან კიდევ ერთი არასრულწოვანი ჯერ კიდევ დეკმებერში გათხოვდა. დირექტორს არც ამ ფაქტის შესახებ უცნობებია შესაბამისი უწყებებისთვის. ამ შემთხვევაშიც ამბობს, რომ გათხოვების პერიოდში არც ის გოგო იყო მისი სკოლის მოსწავლე. თუმცა მისი ნათქვამი, აქაც წინააღმდეგობაში მოდის კლასის დამრიგებლის ნაამბობთან.
რატომ არ მოახდინა დანაშაულზე სათანადო რეაგირება კლასის დამრიგებელმა, ასე პგვპასუხობს,- ,,როცა ბავშვი ასეთ ნაბიჯს დგამს და ოჯახმა იცის ეს ყველაფერი, თავს ზემოთ ძალა არაა. სამწუხაროდ, ქვეყანაში დაუწერელი კანონებიც არსებობს.“ -აქვე აღსანიშნავია ის ფაქტიც, რომ კლასის დამრიგებელი მოსწავლეებს სამოქალაქო განათლებას ასწავლის.
არასრულწლოვანთა ქორწინების შესახებ ინფორმაციას არ ფლობენ ქობულეთის რესურსცენტრში, სადაც აცხადებენ, რომ მოკვლევას დაიწყებენ. „ეს არის დანაშაული და ამაზე ნებისმიერ ადამიანს რეაგირება უნდა მოეხდინა, გავარკვევ რა მოხდა და მას შემდეგ გავაკეთებ შეფასებას“ - აცხადებს მადონა გოგიტიძე. მისივე თქმით, დირექტორი ვალდებული იყო ფაქტის შესახებ სოციალური სააგენტოსთვის უნდა ეცნობებინა.
შინაგან საქმეთა სამინისტროს პრესცენტრში გვითხრეს, რომ არასწრულოვანთა ქორწინების შესახებ 112-ში შეტყობინება არ დაფიქსირებულა.
ფაქტის შესახებს ინფორმაციას არ ფლობს აჭარის განათლების, კულტურისა და სპორტის მინისტრი. ინგა შამილიშვილის კომენტარს ამ დრომდე ველოდებით.
2017 წლის იანვრიდან ძალაში შევიდა საკანონმდებლო ნორმა, რომლის მიხედვითაც 18 წლამდე მიუღწეველი პირები ვეღარც სასამართლოს ნებართვით დაქორწინდებიან. ამასთან, საქართველოს სისხლის სამართლის კოდექსის მიხედვით, სრულწლოვანი პირის სქესობრივი კავშირი თექვსმეტ წლამდე ასაკის პირთან ისჯება თავისუფლების აღკვეთით 7-დან 9 წლამდე ვადით.
8
s
s
s