23, ოქტომბერი 2018 10:59:00
საცხოვრებელი კორპუსიდან გადმოვარდნილი კაცი ადგილზევე გარდაიცვალა, შემთხვევა დღეს დილით გორგილაძის ქუჩაზე მოხდა. მომხდარის შესახებ სხვა დეტალები ამ ეტაპზე უცნობია. ცხედარი ამ დროისათვის ექსპერტიზის ბიუროშია გადასვენებული. ბათუმის სასწრაფო სამედიცინო დახმარების ცენტრში განმარტეს, რომ შემთხვევის ადგილზე მისულ ჯგუფს მოქალაქე უკვე გარდაცვლილი დახვდა.
ფაქტზე შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.