02, მარტი 2017 20:35:00
აჭარის განათლების, კულტურისა და სპორტის სამინისტრო უცხოენოვანი სამეცნიერო-სახელმძღვანელო ლიტერატურის თარგმნას დააფინანსებს. სამინისტრომ კონკურსი უკვე გამოაცხადა. პროექტის წარმოდგენა შეუძლიათ საქართველოში რეგისტრირებულ იურიდიულ პირებს. ერთი პროექტისათვის სამინისტროდან მოთხოვნილი თანხა არ უნდა აღემატებოდეს 9000 ლარს. გამარჯვებულებს სპეციალურად შექმნილი კომისია ღია კონკურსის საფუძველზე გამოავლენს. საბუთების მიღება სამინისტროში კონკურსში მონაწილეობისათვის 2017 წლის 28 აპრილის ჩათვლით იწარმოებს. ქვეპროგრამის განხორციელებისთვის განათლების სამინისტროს ბიუჯეტიდან 36 000 ლარია გამოყოფილი