23, ოქტომბერი 2018 15:37:00
ნოემბრიდან, სესხის გაცემასთან დაკავშირებით, ახალი რეგულაციები ამოქმედდება. ცვლილების მიხედვით, მიკროსაფინანსო ორგანიზაციებსა და ბანკებს, სესხის გაცემის პოლიტიკასთან დაკავშირებით, შეზღუდვები დაუწესდებათ. აღნიშნული გულისხმობს იმას, რომ საბანკო ორგანიზაციები ვალდებული იქნებიან მკაცრად შეაფასონ მომხმარებლის გადახდისუნარიანობა და გაამკაცროს სესხის გაცემის პოლიტიკა.
ცვლილება შედის სესხის მოცულობის ლიმიტსა და კოეფიციენტებშიც. სესხის გამცემი ორგანზიაცია ვალდებული იქნება სესხის მიღების მსურველის ყოველთვიური შემოსავალი დაითვალოს და სწორედ ამის შემდეგ გასცეს შესაბამისი რაოდეობის თანხა.
ცვლილებები ეხება უძრავი ქონებით უზრუნველყოფილ სესხებსაც. ახალი რეგულაციების მიხედვით, უძრავი ქონებით უზრუნველყოფილი სესხის გაცემა მაქსიმუმ 10, იპოთეკური სესხისა კი 20წლიანი ვადით განისაზღვრება.