24, ოქტომბერი 2018 20:00:00
ახალი სცენა პრემიერის მოლოდინში. ბათუმელი მსახიობები მაყურებელთან შესახვედრად ემზადებიან. „ზაფხულის დღე“ -ს აუდიტორია 27 ოქტომბერს ნახავს. თანამედროვე საზოგადოების პრობლემების ამსახველ სპეკტაკლზე რეჟისორი გაგა გოშაძე მუშაობს.
ტყე, განმარტოებული ადგილი, სევდიანი მუსიკა და ყულფი... საკუთარი უიღბლობით დაღლილი კაცი თავის ჩამოხრჩობას აპირებს. ცხოვრებამ აზრი დაკარგა, საკუთარ თავს განაჩენი გამოუტანა... თუმცა, დაამთავრებს თუ არა სიცოცხლეს სუიციდით ამას პრემიერამდე არ ამხელენ. ზაზა ზოიძე თავის გმირს უიღბლო, თუმცა დადებით პიროვნებად ახასიათებს.
სიცოცხლეზე უარის თქმა უპირობო წარმატებით დაღლილილ კაცსაც გადაწყვეტილი აქვს. ის მისი გამოჩენით, თავისდაუნებურად უიღბლოს ყულფიდან თავის გამოყოფას აიძულებს. სპექტაკლის კიდევ ერთი პერსონაჟი ქალის გადაწყვეტილებაზე კი ორივე გმირის მომავალია დამოკიდებული. ოთარ ქათამაძე თვლის, რომ მაყურებელი 27 სექტემბრის პრემიერით ნასიამოვნები იქნება.
,,ზაფხულის დღე“ ის წარმოდგენაა, რომელიც თანამედროვე საზოგადოების პრობლემებს კარგად ასახავს. მთავარი სუიციდი არ არის, მთავარია რატომ მიდიან ადამიანები ამ გადაწყვეტილებამდე.
ვის აირჩევს ქალი? სუიციდის ზღვარზე მისულ იღბლიანს, თუ უიღბლოს? ვინ გადარჩება? პასუხს ბათუმელი მაყურებელი,, ახალ სცენაზე“ 27 სექტემბერს ნახავს. სპექტაკლი მსახიობ მიშა ჯოჯუას ხსოვნას ეძღვნება.