02, მარტი 2017 20:36:00
„ხელოვანთა მობილობის ხელშეწყობის კონკურსის“ პირველი ეტაპის ფარგლებში აჭარის განათლების სამინისტრომ გამარჯვებულები გამოავლინა. დაფინანსება ორმა კონკურსანტმა: საოპერო შემსრულებელმა - ოთარ ნაკაშიძემ და მოსწავლე ახალგაზრდობის სასახლემ მიიღეს. ოთარ ნაკაშიძე იტალიის „რიკარდო ძანდონაის“ ვოკალისტთა საერთაშორისო კონკურსში მიიღებს მონაწილოებას, მოსწავლე ახალგაზრდობის სასახლის საბავშვო თეატრალური დასი კი თურქეთის საერთაშორისო თეატრალურ ფესტივალზე გაემგზავრება სპექტაკლით - „პეპი გრძელი წინდა“. „ხელოვანთა მობილობის ხელშეწყობის კონკურსის“ მეორე ეტაპში მონაწილეობის მისაღებად განაცხადების მიღება 10 მარტის ჩათვლით იწარმოებს. პროგრამის ბიუჯეტი 95 000 ლარია. ერთი პროექტის ბიუჯეტი კი 10 500 ლარს არ უნდა აღემატებოდეს.