30, ოქტომბერი 2018 17:24:00
მხოლოდ სექტემბრის თვეში, აჭარაში, 62 შემაკავებელი ორდერი გამოიწერა. მათგან 51 შემთხვევაში, მსხვერპლი ქალია, 7 კი კაცი.რაც შეეხება მოძალადეებს, 49-ში მამაკაცის მხრიდან ძალადობა გამოვლინდა, ქალის მიმართ შემაკავებელი ორდერი კი შვიდ შემთხვევაში გამოიწერა.
შინაგან საქმეთა სამინისტროს მიერ გამოქვეყნებული სტატისტიკის მიხედვით, საანგარიშო პერიოდში, ანუ სექტემბერში, აჭარაში ყველაზე მეტი - 59, ფსიქოლოგიური ძალადობის ფორმა დაფიქსირდა, ფიზიკური ძალადობის - 24, ეკონომიკური და სექსუალური ძალადობის თითო შემთხვევაა.
რაც შეეხება ასაკობრივ კატეგორიას, სტატისტიკის მიხედვით, მოძალადე მამაკაცები ძირითადად 25-45 წლამდე არიან, ყველაზე მეტი მსხვერპლი ქალიც სწორედ ამ ასაკობრივ კატეგორიაშია.
მსხვერპლებისა და მოძალადების რაოდეობა ერთ თვეში 115 - ია.