აჭარაში, მუნიციპალიტეტებს შორის, ყველაზე ნაკლები, 89 ადამიანია შუახევის მერიაში დასაქმებული. აღნიშნული მუნიციპალიტეტი ერთ -ერთია მათ შორის, სადაც შეზღუდული შესაძლებლობების მქონე პირი მუშაობს. აქ მომუშავეთა შორის კი, ქალი მხოლოდ 21 - ია.
ერთ-ერთია ქედის მუნიციპალიტეტის მერიაც, სადაც შშმ პირია დასაქმებული. ორგანიზაციის მიერ მოწოდებული საჯარო ინფორმაციის მიხედვით, იგი მერის წარმომადგენელია დაბა ქედის ადმინისტრაციულ ერთეულში. ქედის მერიაში მომუშავე 93 თანამშრომელს შორის, სხვადასხვა პოზიციაზე, 26 ქალია დასაქმებული.
ხულოს მუნიციპალიტეტის მერიაში სულ 92 ადამიანი მუშაობს, დასაქმებულებს შორის ქალი მხოლოდ 17-ია. მერიაში მომუშავეთა შორის, შეზღუდული შესაძლებლობის მქონე პირი არ არის.
მაღალმთიან აჭარასთან შედარებით, გაცილებით მეტი, 142 ადამიანი მუშაობს ხელვაჩაურის მერიაში, თუმცა მათ შორის არც ერთია შშმ პირი. რაც შეეხება ქალებს, სხვადასხვა პოზოციაზე აქ, საერთო ჯამში 45 ქალი მუშაობს.
არც ერთი შშმ პირი არ არის დასაქმებული ქობულეთის მერიაში. ჩვენ მიერ გამოთხოვილ საჯარო ინფორმაციაზე მიღებული პასუხის მიხედვით, აქ სულ 162 საჯარო მოხელეა. მათგან ქალი კი მხოლოდ 65 - ია.
იმ ფაქტს, რომ საჯარო უწყებებში შშმ პირები თითქმის არ არიან დასაქმებულები, მესამე სექტორი რამდენიმე ფაქტს უკავშირებს. ,,პირველი რიგში, საჯარო უწყებების მზაობა არ არის, რომ სწორად აღიქვან შშმ პირების შესაძლებლობები. ამას გარდა, ასეთ უწყებებში დასაქმებისთვის აუცილებელია უმაღლესი განათლება, რაც მათ ხშირ შემთხვევაში არ აქვთ - მიზეზი მარტივია, არ არსებობს შესაბამისი გარემო. მესამე და ასევე მნიშვნელოვანი ფაქტორია ისიც, რომ ხშირ შემთხვევაში თავად შშმ პირებს აქვთ არასრულფასოვნების კომპლექსი, რაც საზოგადოების არაჯანსაღი დამოკიდებულებებიდან გამომდინარეობს,“ - ამბობს ნინო ჩხაიძე. პრობლემიდან გამოსავალს კი ადაპტირებულ განათლებასა და გადაწყვეტილების მიმღები პირების მზაობაში ხედავს.
რაც შეეხება მუნიციპალეტეტში დასაქმებულ ქალებს, გენდერის მედიაცენტრის დირექტორი აჭარაში ამბობს, რომ ქალების როლი საჯარო უწყებებში წინა წლებთან შედარებით, გაზრდილია, თუმცა მისივე თქმით, ეს არ არის საკმარისი.
„ტენდენცია მცირედით, მაგრამ მაინც დადებითისკენ იცვლება. აღასანიშნავია ის გარემოება, რომ მაგალითად ერთ -ერთ მუნიციპალიტეტში მერის მოადგილე ქალია. ქობულეთში კი საკრებულოს თავჯდომარის მოადგილე ქალია. ერთადერთ მინუსად შეიძლება ჩაითვალოს უმაღლესი საბჭო, სადაც ადრე 4 ქალი იყო წარმოდეგნილი, დღეს კი მხოლოდ ორია,“ - ამბობს თამილა დოლიძე.
მისივე თქმით, ცვლილებების გაგრძელებისთვის აუცილებელია სამოქალაქო განათლება გაძლიერდეს და გენდერის საკითხებში კაცების როლი გაიზარდოს.
2
s
s
s