ნოდარ შავაძის პირველი პერსონალური გამოფენა. ხელოვანის ნამუშევრები, რომლებიც აქამდე უგზო-უკვლოდ დაკარგული ეგონათ, ხელოვნების მუზეუმში 24 ნოემბრის ჩათვლით გამოიფინება. უფრო დეტალურად, რას ნახავთ საგამოფენო სივრცეში ?
„გუთნის დედა“ და „მოხუცი ქალის“ პორტრეტი- ეს ის ნამუშევრებია, რომელიც ავტორს 30 წლის მანძილზე დაკარგული ეგონა. მხატვარმა, 80-იან წლებში შესრულებული კომპოზიციები მხარეთმცოდნეობის მუზეუმში მიმდინარე წელს შემთხვევით აღმოაჩინა.
მხატვრობის ნიჭი მესამე კლასში აღმოაჩინა. განათლება იაკობ ნიკოლაძის სამხატვრო სასწავლებელსა და სამხატვრო აკადემიაში მიიღო. მოგვიანებით ფინანსური პრობლემების ხატვა შეწყვიტა. 2012 წლიდან დღემდე კი 10-მდე საერთაშორისო პლენერში მიიღო მონაწილეობა.
მხატვრისთვის ყველაზე განსაკუთრებული ნამუშევარი 1979 წელს შესრულებული „ხარის დაჭედვაა“ . ამბობს, რომ ფიგურული კომპოზიცია, მისი ბავშვობის რეალობას ასახავს. 50 წლის ასაკში შექმნა ავროპორტრეტიც.
ნოდარ შავაძის პერსონალური გამოფენა წელს პირველად გაიმართა. მსურველებს 50 მდე ნამუშევრის დათვალიერება 24 ნოემბრის ჩათვლით ხელოვნების მუზეუმში შეეძლება.
ნოდარ შავაძეს 2001 წელს აჭარის დამსახურებული მხატვრის წოდება მიანიჭეს. სურს რომ 70 წლის ასაკში კიდევ ერთი პერსონალური გამოფენა მოაწყოს. ხელოვანის რამდენინე ნამუშევარი დღემდე უგზო-უკვლოდ დაკარგულია.
4
s
s
s