11 წლის წინ განვითარებული მოვლენები. ფაქტები, რომლებიც დედაქალაქში 2007 წლის 7 ნოემბერს რუსთაველის გამზირზე ხდებოდა. როგორ ფასდება საქართველოს უახლესი ისტორიის ყველაზე მძიმე დღეს რეგიონში ?
2007 წლის 7 ნოემბერი, საქართველოს უახლესი ისტორიის ერთ-ერთი მძიმე დღე, რომელმაც ქართველი ხალხის მეხსიერებაში წაუშლელი კვალი დატოვა - ასე იხსენებს ბათუმის შოთა რუსთაველის სახელმწიფო უნივერსიტეტის ყოფილი სტუდენტი მადონა აზნაურიძე.
სხვადასხვა პოლიტიკური პარტიების წარმომადგენლები 11 წლის წინ მომხდარ მოვლენებს დღესაც ემოციურად იხსენებებენ. ეს იყო წინა ხელისუფლების დანაშაული ამიტომ ყველა მათგანი სათანადოდ უნდა დაისაჯოს - აცხადებს მმართველი გუნდის წევრი, რომელიც 8 ნოემბერს დარბეულ სტუდენთაგან ერთ-ერთი იყო.
ნაციონალური მოძრაობის რეჟიმს გმობს კიდევ ერთი პოლიტიკური პარტიის წარმომადგენელი. „შენების მოძრაობის“ წევრის თქმით, მომხდარი სათანადოდ უნდა შეფასდეს.
მედია ვასაძე,რომელიც 2007 წლის ნოემბრის მოვლენების აქტიური მონაწილე იყო ამბობს, რომ ეს იყო დღე რომელმაც დემოკრატიას წერტილი დაუსვა და ქვეყნის იმიჯი შელახა. „ემსახურე საქართველოს“ ერთ-ერთი ლიდერი საუბრობს იმ გარემოებაზე, რომ მარბიელების დასჯის სანაცვლოდ მათი დაწინაურება მოხდა.
მარბიელების დაუსჯელობაზე საუბრობს „ნაციონალური მოძრაობის“ წევრი. რევაზ ხარაზის თქმით, დღევანდელმა ხელისუფლებამ იმ ადამიანებთან გააგრძელა თანამშრომლობა, რომლებიც სისატიკეს ჩადიოდნენ. მიაჩნია, რომ აქციების დარბევა მათი ხელისუფლების დიდი შეცდომა იყო, თუმცა „ქართულ ოცნებას“ ამ შედეგებზე არაფერი უსწავლია.
2007 წლის წლის 7 ნოემბერს დარბევის შედეგად ათეულობით მოქალაქე მძიმედ დაშავდა. ჯანდაცვის სამინისტროს ცნობით, საავადმყოფოში 508 ადამიანი გადაიყვანეს.
4
s
s
s