სოციალურად დაუცველი ოჯახი ხელვაჩურიდან, რომელსაც დახმარება შეუმცირეს. ცხოვრება ავარიულ სახლში მეზობლების დახმარების იმედად. რატომ გაუნახევრეს ფულადი შემწეობა ბარამიძეებს და როგორ უნდა ირჩინოს თავი 3 წევრიანმა ოჯახმა თვეში 70 ლარად? კითხვით სოციალური დახმარების სააგენტოსა და მუნიციპალიტეტის მერიას მივმართეთ.
ხის ნაგებობა, რომელშიც სამ წევრიანი ოჯახი ცხოვრობს ავარიულია. როგორც აქ მცხოვრებლები გვიყვებიან, დაზიანებულია სახლის სახურავიც, საიდანაც ყოველი გაწვიმებისას წყალი ჩამოდის. იმის გამო, რომ ოჯახი სოციალურად დაუცველია საცხოვრისის რემონტს ვერ ახერხებენ.
უამინდობის დროს ბარამიძეების თავს მეზობლებთან აფარებენ. ამბობენ, რომ ქარის დროს სახლში გაჩერება გაუსაძლისი ხდება, ნაგებობის დაშლის საშიშროებაც არსებობს.
ოჯახი წლებია თავს სოციალური შემწეობით ირჩენს, თუმცა მათ ფულადი დახმარება შეუმცირდათ. ახლა მათი ყოველთვიური შემოსავალი 70 ლარია. ტარიელ ბარამიძეს ჯანმრთელობის პრობლემებიც აწუხებს, თუმცა უსახსრობის გამო მკურნალობის კურს ვერ იტარებს. ბარამიძეები სეზონურად კაკალს აგროვებენ, რომელიც უკიდურესად გაჭრვებული ოჯახისთვის შემოსავლის ერთადერთი წყაროა.
დახმარებისთვის ადგილობრივ ხელისუფლებას მიმართეს, თუმცა მათგან მხოლოდ დაპირებებს ისმენენ. ამბობენ, რომ თვიდან თვემდე თავს მეზობლების დახმარების იმედად ცხოვრობენ.
ბარამიძეების ოჯახის მდომარეობას სოციალური მომსახურების სააგენტოს ხელვაჩაურის ფილიალში არ იცნობენ. სააგენტომ ოჯახი ბოლოს 2016 წელს გადაამოწმა, თუმცა მაღალი სარეიტინგო ქულების გამო მათ ფულადი დახმარება შეუმცირდათ - რა მიზეზით ამას აქ ვერ ხსნიან.
ხელვაჩაურის მერიის წამომადგელების თქმით, მსგავსი პრობლემები მუნიციპალიტეტის გამოწვევაა და ირწმუნებიან, რომ ამ კონკრეტულ შემთხვევას შეისწავლიან. მერის მოადგილე ვერ ამბობს რა ფორმით დაეხმარებიან ბარამიძეებს.
ვიდრე ხელვაჩაურის მერია უკიდურესად გაჭირვებული ოჯახის დახმარებისთვის ბიუჯეტში შესაბამისი თანხების მოძიებითაა დაკავებულიბარამიძეებს ცხოვრება კვლავ ავარიულ და საფრთხის შემცველ სახლში მოუწევთ.
10
s
s
s