სალომე ზურაბიშვილის მხარდამჭერები კანდიდატის არჩევნებში გამარჯვებისთვის საპროტესტო აქციებით იბრძოლებენ. არის თუ არა კენჭისყრის მეორე ტურამდე რამდენიმე დღით ადრე მიღებული გადაწყვეტილება მანიპულირების საშუალება? პოლიტოლოგების, ოპოზიციისა და მმართველი გუნდის
აქციები რეგიონებში და მასშტაბური მსვლელობა ვარდების მოედანზე- „ქართული ოცნების“ მხარდამჭერები და მოძრაობა „მე ვიცავ თავისუფლებას“ 11 ნოემბრიდან - სალომე ზურაბიშვილის მთავარ ოპონენტს აქციებით, მშვიდობიანი მსვლელობითა და მოსახლეობასთან შეხვედრებით უპირისპირდება. ორგანიზატორები ამბობენ, რომ საქართველოს ყველა დიდ ქალაქში ჩავლენ და ეცდებიან მოსახლეობის დახმარებით- ხელისუფლებაში „ნაციონალური მოძრაობის“ დაბრუნებას ხელი შეუშალონ
„მოძრაობა მე ვიცავ თავისუფლების“ აქტივისტები და „ქართული ოცნების“ მხარდამჭერები თვლიან, რომ მმართველმა პარტიამ არაერთი შეცდომა დაუშვა და საპრეზიდენტო არჩვნების პირველი ტურის შედეგებით- ხელისუფლებამ მოსახლეობის გაფრთხილება მიიღო.
კულტურის პალატის პრეზიდენტს დავით ოქიტაშვილის მოსაზრებით, რომ არა „ქართული ოცნებისა“ და „ნაციონალური მოძრაობის“ კოჰაბიტაცია - დღეს მმართველ პარტიას აქციების გამართვა არ დასჭირდებოდა. თვლის, რომ შეცდომები ბევრი იყო, რის გამოც ოცნებას დღეს მეორე ტურში დამარცხების ეშინია.
მიუხედავად იმისა, რომ „ქართული ოცნების“ მხარდამჭერ აქციებში მანაწილეობას თავად მმართველი პარტიის წევრებიც აპირებენ. ამბობენ, რომ ოპოზიციის წინააღმდეგ მიმდინარე აქციებს მმართველ პარტიასთან არანაირი კავშირი არ აქვს. ოპოზიციაში კი აქციების შესახებ გადაწყვეტილება - ხელისუფლების მხრიდან წინასაარჩევნოდ მხარდამჭრების მობილიზბის მცდელობად ფასდება.
პოლიტილოგი და ფსიქოლოგი- რამაზ საყვარელიძე თვლის, რომ დაანონსებული აქციები მანიპულირების კარგი საშუალებაა. მიაჩნია, რომ რაც უფრო მასშტაბური იქნება მსვლელობა, შეხვედრა თუ აქცია-ეს „ქართული ოცნებისთვის“ მომგებიანი იქნება.
„მოძრაობამ მე ვიცავ თავისუფლებას“ პირველი აქცია და მსველეობა 2 დღის წინ გამართა. 2012 წელს „ქართული ოცნების“ რიგებში მყოფმა აქტივისტებმა და მხარდამჭრებმა თქვეს, რომ არ დაუშვებენ ხელისუფლებაში „ნაციონალური მოძრაობის“ დაბრუნებას.
9
s
s
s