12, ნოემბერი 2018 17:09:00
სპირტიანი სასმელების შესახებ ტექნიკურ რეგლამენტში ცვლილებაა. კერძოდ, სპირტიანი სასმელების დასახელების, აღწერის, წარდგენისა და ეტიკეტირების შეხებ წესები განისაზღვრა. რეგლამენტი, აღნიშნული კატეგორიის სამელების წარმოების, ბაზარზე განთავსებისა და წარდგენის პირობებს აწესრიგებს.
აიკრძალა სპირტიანი სასმელების ბაზარზე განთავსება ან რეალიზაცია ისეთ ჭურჭელში, რომელიც დახურულია ფოლგის ან ტყვიის კაფსულების შემცველი თავსახურით ან საცობით.
რეგულაცია იმ სპირტიან სასმელებზე ვრცელდება, რომლებიც მზადდება ხილის ჩენჩოსგან, კურკოვანი ან უკურკო ხილისგან, კენკროვნების ან ბოსტნეულის სპირტისგან, თაფლისა და სხვა ნედლეულისაგან. ცვლილება არ ეხება ყურძნისეული წარმოშობის სპირტიან სასმელებს.
,,მსგავსი რეგულაციების მიღების ინიცირება თავად ბიზნესსექტორიდან მოდის. ხშირია შემთხვევა, როცა პროდუქციის დასახელება არ ემთხვევა შიგთავს და მომხმარებლის შეცდომაში შეყვანა ხდება, ამიტომ თავად ბიზნესსექტორმა ითხოვა მსგავსი რეგულაციების შემოღება,“- აცხადებენ საქართველოს სოფლის მეურნეობის სამინისტროში.
რეგლამენტი მთავრობამ გასულ კვირას დაამტკიცა. დადგენილების ამოქმედების ვადად, 2019 წლის პირველი აპრილი განისაზღვრა. იმ ბიზნესოპერატორებისთვის კი, რომელთა მიერ უკვე წარმოებული პროდუქცია ახალ წესებს არ შეესაბამება, ვადა 2020 წლამდე აქვთ.