საქართველოს მთავრობა შეზღუდული შესაძლებლობის მქონე პირებისთვის სოციალური დახმარების გაზრდას გეგმვას. კერძოდ, მეორე ჯგუფის შშმ პირებს არსებული სოციალური პაკეტი 20 ლარით გაეზრდებათ.
ცვლილება შედის აუტისტური სპექტრის მქონე ბავშვების ადრეული განვითლარების პროგრამაშიც. დაგეგმილია პროგრამის მთელი საქართველოს მასშტაბით განხორციელება და მასში ბენეფიციართა ასაკის 18 - წლამდე განსაზღვრა.
„ეს ეხება 75 000-ზე მეტ ჩვენს თანამოქალაქეს და რა თქმა უნდა, მათი საჭიროება უნდა გავითვალისწინოთ. ჯანდაცვისა და ფინანსთა სამინისტროებს ექნებათ დავალება, რომ აუცილებლად მოვიძიოთ ეს რესურსი მომავალი წლის ბიუჯეტში. საჭიროა განვითარებული ქვეყნების პრაქტიკა უკეთ გავაცნობიეროთ და დავნერგოთ ევროპული მოდელი, გავზარდოთ ადგილობრივი მუნიციპალიტეტების ჩართულობა ამ პროცესში, რაც უფრო ინკლუზიურს გახდის ამ მიმართულებას“, – განაცხადა მამუკა ბახტაძემ.
33
s
s
s